Jala dang apala na jungkat ahu, nian
Songon pandok ni na bisuk; relatif doi
Alai molo taringot na mardongan
Ra, marhua ma boi sahalak niba?
Aha ma lapatan na molo dang adong hamu dongan?
Boi do mangolu, ale rongit-rongiton ma da
Longo-longoan, molo marhatai sandiri gabe sekkel nama
Sude ala bisuk ni Namarhuasoi
Dilehon ate-ate, na boi rimas dohot labe
Dilehon roha, na boi manganju dohot mardandi
Dilehon pikkiran, na boi marguru dohot patuduhon
Disiala i sude, tabo nai na mardongan
Malum do sahit ala las ni roha
Las ni roha ala pardonganon
Tubu do sahit ala ni biar
Biar ni roha uju ro pangunjunan
Dongan do ubat dongan do sahit
Saguru tu parpeakna
Bada dohot sihol
Mungkin ima ra nasoboi tarsirang sian pardonganon
'Marsiantusan', ido tawar na lumambok
Saboha balga ni bada ta uju haetehon
Dung magodang, tong do umbalga sihol di roha
Ima, ale dongan
Tung manang didia pe hita nuaeng
Sai gabe jala horas be ma hita
Di ramoti Debata
- Gambar: https://i1.wp.com/silanesia.com/wp-content/uploads/2017/11/Kata-kata-Untuk-Sahabat-Terlengkap-dan-Terbaru.jpg?fit=900%2C563&ssl=1