Songon na somal, rap mangopi ma dohot laeta Edison Manalu di partungkoan Air Terjun Janji na di haroroan desa Tipang on.
Di nasahali i, adong pengunjung na ro sian luat sileban.
Dung sae maridi dohot mangida hinauli ni aek i, mangopi jala marende ma attong nasida.
Hira-hira dua meter ma holang ni parhundul nami.
Godang do ende diendehon nasida, alai lak soadong na binoto judulna nanggo apala sada. Sinukkun do nian judulna.
Molo dang salah parningotan niba, pandok nasida "Siantar Balige, Tinitip Sanggar dohot Ramba Naposo", akka ima judul ni ende i.
Alai...
Hona hian hurasa tu pusu-pusu niba, poda na di bagas ende i do.
Ima taringot tu (1) godang hita baoa saonari naso mangharingkothon Habatahonta dohot (2) dang tardok be Anak Ni Raja.
Hinorhon ni ende i, tubu pangarimangion, tubu sungkun-sungkun di roha; boha do tutu ulaning diri niba sandiri?
Nian sai nirohahon do anggiat boi pinajagar Habatahon i di diri niba sandiri andorang tu dongan. Alai tung godang dope nasoboi tarula, tarlumobi mai songon iba sada baoa naung seharusna mangantusi akka pardalan ni ruhut-ruhut manang uhum ni Habatahon sasingkopna.
Tong mai alani lolos niba sandiri.
Haroro ni hamamaju ni jaman on, boido marsiajar sandiri nian.
Alai ala sohinaringkothon dope, gabe dao roha sian Habatahon, gabe hurang pangantusion. Maila ma iba marningot nasida omputa i.
Sai ro tu pingkiran niba, "ah, poso dope iba", ningon.
Dang sanga tingki mangguruhon i sude, angka naringkot i ma, ningon muse.
Hape dipargodang ni umur, di halamtuaon ni pamatang, roma panunggulion, ingkon do hape, parsiajaran sude.
Asa unang laos mago akka tading-tading ni ompui, dibahen i, ulahan nama marsiajar hombar tu situasi.
Ra, molo dang binege ende i, atik naso tubu do pangarimanginon dohot sungkun-sungkun tu diri niba sandiri.
Manang, ra tubu, alai andigan?
Boi do sada-sada ende manungguli sahalak baoa. Anggiat ma nian boi niulahon, molo dang boi sude, deba pe sian napinukka ni Omputa Sijolo-jolo Tubu.
Manghorasi ma nasida
Horas
Molo dang salah parningotan niba, pandok nasida "Siantar Balige, Tinitip Sanggar dohot Ramba Naposo", akka ima judul ni ende i.
Alai...
Hona hian hurasa tu pusu-pusu niba, poda na di bagas ende i do.
Ima taringot tu (1) godang hita baoa saonari naso mangharingkothon Habatahonta dohot (2) dang tardok be Anak Ni Raja.
Hinorhon ni ende i, tubu pangarimangion, tubu sungkun-sungkun di roha; boha do tutu ulaning diri niba sandiri?
Nian sai nirohahon do anggiat boi pinajagar Habatahon i di diri niba sandiri andorang tu dongan. Alai tung godang dope nasoboi tarula, tarlumobi mai songon iba sada baoa naung seharusna mangantusi akka pardalan ni ruhut-ruhut manang uhum ni Habatahon sasingkopna.
Tong mai alani lolos niba sandiri.
Haroro ni hamamaju ni jaman on, boido marsiajar sandiri nian.
Alai ala sohinaringkothon dope, gabe dao roha sian Habatahon, gabe hurang pangantusion. Maila ma iba marningot nasida omputa i.
Sai ro tu pingkiran niba, "ah, poso dope iba", ningon.
Dang sanga tingki mangguruhon i sude, angka naringkot i ma, ningon muse.
Hape dipargodang ni umur, di halamtuaon ni pamatang, roma panunggulion, ingkon do hape, parsiajaran sude.
Asa unang laos mago akka tading-tading ni ompui, dibahen i, ulahan nama marsiajar hombar tu situasi.
Ra, molo dang binege ende i, atik naso tubu do pangarimanginon dohot sungkun-sungkun tu diri niba sandiri.
Manang, ra tubu, alai andigan?
Boi do sada-sada ende manungguli sahalak baoa. Anggiat ma nian boi niulahon, molo dang boi sude, deba pe sian napinukka ni Omputa Sijolo-jolo Tubu.
Manghorasi ma nasida
Horas